The easiest way to discover the world
Search for attractions, hotels, destinations, cities, people...Featured Destinations
More
Most Famous Tourist Attractions
Follow Suggestions for You
Best Posts
5 days ago
بغيت نشارك معاكم تجربة تاعي والمغامرة اللي كانت عبارة عن رحلة لأوروبا فـ شهر سبتمبر اللي فات 🇪🇺✈️ الرحلة دامت حوالي 20 يوم، زرت فيها حوالي 10 مدن، وكنت فيها وحدي، مع العلم أني كنت مخطط لكل حاجة من قبل. الحمد لله، كلش مشى كيما كنت أنا حاب: ✅ حجوزات المبيت ✅ تنقلات بين المدن ✅ تنظيم الأيام كلش كان منظم، وهادا خلاني نكون مرتاح ونستمتع بكل لحظة. 🔹 الانطلاقة كانت من إسبانيا أول محطة: أليكانتي وبنيدورم، قضيت فيهم ليلتين. 🔸 في أليكانتي، مبيت فـ شقة فيها غرف ومطبخ مشترك، هادئة ومناسبة للمسافر الاقتصادي. 🔸 من بعدها، ركبت الطيارة لـ برشلونة، قضيت فيها ليلتين في هوستل، وكانت تجربة مليحة.فعلا تستحق الزيارة منظمة بزاف يقولو فيها السرقة بزاف بصح انا الحمد لله جازت روعة 🔹 من برشلونة، خذيت طيارة إلى كولن (Köln) - ألمانيا وين قضيت ليلتين في هوستل بعيد شوية على وسط المدينة، لكن كانت الإقامة مريحة والمكان هادئ.فيها اكبر مسجد باوروبا شادينو الاتراك 🔹 من كولن مشيت بالحافلة إلى هولندا ، زرت فيها: ✔️ روتردام ✔️ أمستردام ✔️ إيندهوفن قعدت هناك 5 أيام، مبيت فـ هوستل، وفي يومين استضافني صديق، وكانت من أروع اللحظات. 🔹 بعدها دخلت إلى فرنسا ، وكانت أول محطة هي مدينة ليل ، وهنا الصدفة خدمتني، لقيت صديق الطفولة وقضيت معاه ليلتين.مدينة فيها الكالم بزاف يشدك الاكتئاب هههه 🔸 من بعدها، كملت باقي الأيام في باريس الحياة فيها صعيبة معمرة جري و ضغط انت سائح تلقى روحك تجري هههه 🔹 ختام الرحلة كان فـ ألميريا - إسبانيا ، مدينة ساحلية هادئة، ومن تمّ كانت الرجعة للجزائر. 🚌 بعد الرحلات بالطائرة (من أليكانتي لبرشلونة، وبرشلونة لألمانيا)، باقي التنقلات درتهم بالحافلات، لأنها اقتصادية، مريحة، وتخليك تعيش التجربة الأوروبية على مهل.و تشوف المناظر الطبيعية 💶 تكلفة الرحلة: تقريبيًا حوالي 2000 أورو، ما حسبتش بدقة، بصح كانت في المتناول مقارنة بعدد المدن والأيام. ونصيحتي لأي واحد حاب يسافر: ✅ خذ معاك الأورو نقدًا ✅ ومعاه بطاقة فيزا لأنو بعض الأماكن يقبلوا غير البطاقة، والبعض الآخر يطلب الكاش… التوازن بينهم يريحك. 🎒 الرحلة كانت منظمة، وكل يوم محسوب، والتجربة كانت مدرسة حقيقية: مسؤولية، مرونة، واستقلالية. 🔜 الرحلة الجاية، إن شاء الله، نحو أوروبا الشرقية والصعود لـ الشمال الأوروبي 🌍 💬 وأخيرًا: إذا كاين أي واحد يحب يعرف تفاصيل أكثر، أو يسقسي على حاجة ما حكيتش عليها، مرحبا به، نسعد نجاوب ونفيد باللي نعرفه 🙌 وربي يرزق كل واحد فيكم تجربة سفر تفرّح قلبو وتوسع بصيرتو ❤️
Download Safarway App for FREE!
Make Safarway app your travel companion to anywhere in the world and get everything you need on your trip: fun and easy experiences, a wide social network, exclusive and distinctive features, important tools for every traveler, complete coverage of all destinations in the world, maps, landmarks and restaurants around you, a bank of points that gives you valuable rewards and gifts, a chat service to get to know travelers from around the world and the best flight and hotel deals, all of this and more under one roof!
